Палажэнне аб парадку арганізацыі работы і ўзаемадзеяння адзінай дзяжурна-дыспетчарскай службы г. Мінска, а таксама яе склад зацвердзіў Мінгарвыканкам рашэннем ад 1 жніўня 2024 г. N 2965. Рашэнне ўступае ў сілу 21 жніўня 2024 г.
У сталічную адзіную службу ўвойдзе 21 арганізацыя з розных сфер:
– Мінскае гарадское ўпраўленне МНС;
– Гарадская станцыя хуткай медыцынскай дапамогі;
– Мінгаз;
– Мінсктранс;
– Нацыянальны аэрапорт Мінск;
– Гарадская аварыйная служба;
– Ліфтсэрвіс;
– інш.
Адзіная служба ствараецца, каб забяспечыць магчымасць звярнуцца па экстраную дапамогу на адзіны тэлефонны нумар 112, а таксама аператыўна рэагаваць на надзвычайныя сітуацыі ў сталіцы.
Паведамленні, якія будуць паступаць на нумар 112, дыспетчар прааналізуе і ў залежнасці ад іх характару накіруе ў падраздзяленні па надзвычайных сітуацыях або ў адпаведную мінскую арганізацыю, якая ўваходзіць у Адзіную службу.

Разам з тым, у Беларусі наяўнасць адзінага нумара 112 не адмяняе магчымасць набору прывычных нумароў 102, 103 і 104. Сваю працу яны не спынілі.